القصيده التي اغضبت بنات الخليج والرد عليها

ياللي تنشّد عن علوم الـذي ..طـاف
كل البحـور وكـل دولـة ..وديـرة
خذ من علومي علم أوصافه أوصاف
جزلٍ سمين يشتعـل لـه ..سعيـره
الزين عقـب المغربيـات ..ينعـاف
غيدٍ لهـن بالزيـن ذكـره ..وسيـره
فيهن حلا طاغي وليـن ..وتعطـاف
وفيهن حنانٍ يشعـل القلـب ..غيـره
حلوات وصف وفاهماتٍ ..بالاعراف
زينات منطق صافيـات ..السريـرة
بنات قومٍ طيبهـم غصـب ..ينشـاف
اولاد مغـرب بالليالـي العسـيـرة
ياللي تنشّد عن علومي ..بالانصـاف
هرجي يكفي صامله عـن ..كثيـره
الزين في لميـا وتغريـد ..والطـاف
ماهوب في حصة وكشـرة ..منيـرة



وكـــان هــــذا الــــرد ؟

قال الذي في بدع الأمثال ..صـرّاف
جزلٍ يفـرق بيـن درهـم ..وليـره
ياللي مدحت المغربيـات ..بجحـاف
الله يجيرك مـن عمـاة ..البصيـرة
لو تعجبـك لميـا وتغريـد والطـاف
مايصلحن لهـل الوجيـه ..السفيـره
مفصخات ولبسهم حـول ..الارداف
وبليـس أغواهـم بكشـف الستيـرة
متعـوداتٍ كلهـم زيـف ..وخفـاف
علـى التغنـج والتعطـف ..وغيـره
كل يوم مع صاحب ولافيهم ..أعفاف
خويّهـم اللـي فلـوسـه ..كثـيـره
ترى البضايع عدة أشكال ..واصنـاف
وكلٍ ينـوخ وسـط سوقـه ..بعيـره
عز الله ان الطيب في بنت ..الاشراف
اللي على الحشمه تربّـت ..صغيـره
ولا تبيّـن منّهـا كـود..الاطـراف
مثل القماشـه فالبحـور ..الغزيـرة
ياللي تدوّر بالجواهر ..والاصـداف
الزين كلـه فـي بنـات ..الجزيـرة